پاکستانی نژاد کینیڈین یوٹیوبر اور کامیڈین زید علی نے مداحوں کو کشمکش میں ڈال دیا۔

 تفصیلات کے مطابق گزشتہ روز زید علی نے انسٹاگرام پر اپنی اہلیہ یمنیٰ کے ہمراہ سالِ نو کی پہلی تصویر شیئر کی تھی۔

مزید پڑھیں

زید علی کی اہلیہ کے ساتھ سالِ نو کی پہلی تصویر مقبول

پاکستانی نژاد کینیڈین یوٹیوبر اور کامیڈین زید علی نے اہلیہ یمنیٰ کے...

زید علی نے یہ خوبصورت تصویر شیئر کرتے ہوئے دُنیا بھر میں موجود اپنے تمام مداحوں کو سالِ نو کی مبارکباد دی اور کہا کہ اللّہ تعالیٰ اس سال ہم سب کو بہت ساری خوشیاں اور کامیابی نصیب فرمائے۔

یوٹیوبر اور اُن کی اہلیہ کی تصویر پر جہاں لاکھوں لائکس آئے تو وہیں صارفین نے تبصرے بھی کیے۔

زید علی کی اس تصویر پرایک کمنٹ نے مداحوں کو کشمکش میں مبتلا کردیا۔

انہی صارفین میں سے ایک نے زید علی سے پوچھا کہ ’آپ کی فیملی میں تیسرا انسان کب شامل ہوگا؟‘

صارف کے سوال پر زید علی نے کہا کہ ’انشاءاللّہ بہت جلد۔‘

واضح رہے کہ زید علی کے اس جواب نے مداحوں کو کشمکش میں ڈال دیا ہے اور مداح یہ سوچ رہے ہیں کہ کیا واقعی زید علی کی فیملی بڑھنے والی ہے۔