بھارتی ماڈل و اداکارہ کو فحش ویڈیوز بنانے کے الزام میں گرفتار کرلیا گیا۔

بھارتی میڈیا کی رپورٹ کے مطابق ماڈل و اداکارہ گیہانا واسستھ کو مبینہ طور پر فحش فلموں کی شوٹنگ اور انہیں ویب سائٹ پر اپ لوڈ کر نے کے الزام میں گرفتار کرلیا گیا ہے۔

اداکارہ کو کرائم برانچ کے پراپرٹی سیل نے گرفتار کیا  ہے۔

گرفتار ماڈل و اداکارہ کو ممبئی کی عدالت میں پیش کیا جائے گا۔

بھارتی میڈیا میں چلنے والی ویک رپورٹ کے مطابق  کرائم برانچ  پراپرٹی سیل نے مدھ آئی لینڈ میں ایک بنگلے پر چھاپا مارا جہاں فحش فلم کی شوٹنگ کی جارہی تھی ، اس بنگلے سے ایک خاتون کو بھی بازیاب کروایا گیا۔

ایک دوسری رپورٹ کے مطابق ماڈل و اداکارہ گیہانا واسستھ کو پولیس نے 6 فروری کو تحقیقات کے لیے طلب کیا تھا اور بعدازاں انہیں  گرفتار کرلیا گیاتھا۔

پولیس حکام کا کہنا ہے کہ گیہانا واسستھ اب تک 87 فحش ویڈیوز شوٹ کرکے اپنی ویب سائٹ پر اپلوڈ  کرچکی ہیں۔