پاکستان شوبز انڈسٹری کی اداکارہ یمنیٰ زیدی نے سوشل میڈیا کی تلخ سچائی سے پردہ اُٹھا دیا ہے۔

یمنیٰ زیدی کی جانب سے ابھی حال ہی میں ایک پوسٹ شیئر کی گئی ہے جس میں آج کل کے معاشرے اور کڑوے سچ کی عکاسی کی گئی ہے۔

اداکارہ کی جانب سے کی گئی پوسٹ میں پیغام دیا گیا ہے کہ بطور معاشرہ ہر ظاہری چیز پر یقین کر کے دوسروں سے متعلق رائے قائم کر لی جاتی ہے جبکہ اکثر اوقات اُس ظاہری چیز کے پیچھے چھپی کہانی کچھ اور ہی ہوتی ہے جسے کوئی نہیں جانتا۔

یمنیٰ زیدی کی جانب سے اپنی اس پوسٹ کے کیپشن میں لکھا گیا ہے کہ ’یہ آج کل کی سچائی ہے۔‘

اداکارہ کی اس پوسٹ پر ہزاروں لائیکس آ گئے ہیں۔

کمنٹ باکس میں انٹرنیٹ صارفین کی جانب سے یمنیٰ زیدی کی اس پوسٹ کی تائید کرتے ہوئے کہنا ہے کہ آج کل کے معاشرے کی یہی سوچ ہے اور  یہی کڑوا سچ ہے۔

واضح رہے یمنیٰ زیدی کی جانب سے اکثر اوقات ہی گہری اور معنی خیز پوسٹس سوشل میڈیا پر کی جاتی ہیں۔