پاکستان شوبز انڈسٹری کی معروف جوڑی بلال قریشی اور عروسہ نے دوسرے بیٹے کی تصویر سوشل میڈیا پر شیئر کر دی ہے۔

تفصیلات کے مطابق بلال قریشی نے کچھ دیر پہلے ہی اپنے انسٹاگرام اکاؤنٹ پر دوسرے بیٹے کی پیدائش کی خبر دی ہے۔

اداکار بلال قریشی نے فوٹو اینڈ ویڈیو شیئرنگ ایپ انسٹاگرام پر اپنی ایک تصویر پوسٹ کی ہے۔

اداکار کی جانب سے پوسٹ کی جانے والی تصویر میں دیکھا جا سکتا ہے کہ بلال قریشی نے اپنے بیٹے کو گود میں اُٹھایا ہوا ہے۔

انسٹاگرام پر پوسٹ کی جانے والی تصویر کے کیپشن میں اداکار نے بتایا کہ اُن کے ہاں دوسرے بیٹے کی پیدائش ہوئی ہے جس کا نام اُنہوں نے رومان رکھا ہے۔

خوشی کے اس موقع پر بلال قریشی نے اللّہ تعالیٰ کا شکریہ ادا کرتے ہوئے قرآن پاک کی آیت لکھی کہ اور تُم اپنے پروردگار کی کون کون سی نعمتوں کو جُھٹلاؤ گے۔

شوبز انڈسٹری کی جوڑی بلال قریشی اور عروسہ کے بیٹے کی پیدائش پر مداحوں اور شوبز ستاروں کی جانب سے مبارکباد دینے کا سلسلہ شروع ہوگیا ہے۔

واضح رہے کہ بلال قریشی نے سال 2015 میں اداکارہ عروسہ سے شادی کی تھی اور اس جوڑی کے بڑے بیٹے کا نام ’محمد سوہان‘ ہے۔