پاکستان شوبز انڈسٹری کی سینئر اداکارہ سیمی راحیل  کا معنی خیز پوسٹ سوشل میڈیا پر وائرل ہوگیا۔

اداکارہ سیمی راحیل  نے فوٹو اینڈ ویڈیو شیئرنگ ایپ انسٹاگرام پر ایک پوسٹ کی جس میں اداکارہ نے لکھا کہ ہمیں لوگوں پر تنقید کرنے کے بجائے دُنیا کے دیگر سنگین مسائل پر بات کرنے کی ضرورت ہے۔

سیمی راحیل نے کہا کہ لوگوں کی نجی زندگیوں پر تنقید کرکے اُن کی آنکھوں میں آنسو دینے کے لیے آپ کے پاس بہت وقت ہے۔

اداکارہ نے لکھا کہ اگر واقعی اپنا وقت کسی کام پر لگانا ہے تو دُنیا کے سنگین مسائل پر گفتگو کرنے اور اپنی آواز بُلند کرنے پر لگائیں۔

سیمی راحیل  نے مزید کہا کہ سوشل میڈیا کی دُنیا بہت مطلبی اور خود غرض ہے، یہاں ہر ایک دوسرے کو نیچا دِکھانے کی کوشش میں لگا رہتا ہے۔

انہوں نے کہا  کہ ہمیں اداکاروں کی نجی زندگی کے بجائے مقبوضہ کشمیر، یمن، فلسطین جیسے اہم مسائل ہر بات کرنی چاہیے۔

واضح رہے کہ ہانیہ عامر نے گلوکار و اداکار عاشر وجاہت کے ساتھ ایک ویڈیو شیئر کی تھی جس پر سوشل میڈیا صارفین کی جانب سے اداکارہ پر شدید تنقید کی گئی۔

تاہم اب شوبز شخصیات کی بڑی تعداد ہانیہ کا حوصلہ بُلند کرنے کے لیے اُن کے لیے مختلف پیغام جاری کررہی۔