پاکستان شوبز انڈسٹری کے سینئر اداکار عدنان صدیقی نوجوان اداکارہ مریم نفیس کی حمایت میں بول پڑے۔

تفصیلات کے مطابق عدنان صدیقی نے سماجی رابطے کی ویب سائٹ ٹوئٹر پر مریم نفیس کی حمایت میں جاری کیے گئے پیغام میں کہا کہ ہم اداکار فروخت ہونے کے لئے نہیں ہیں۔

For those who think otherwise, let me put the record straight. Actors are NOT for sale. We work hard and work honestly as much as any other professional. No one’s allowed to disrespect us. Atta girl @MariyamNafeees

— Adnan Siddiqui (@adnanactor) June 28, 2021

اداکار نے کہا کہ ہم بھی دوسرے لوگوں کی طرح محنت اور ایمانداری کے ساتھ کام کرتے ہیں ،کسی کو بھی ہماری بے عزتی کرنے کی اجازت نہیں۔

[amazonad category=”Auto”]

واضح رہے کہ مریم نفیس نے اپنے تصدیق شدہ انسٹاگرام اکاؤنٹ پر فہد خان نامی صارف کے پیغام کا اسکرین شاٹ شیئر کیا جس میں صارف نے اداکارہ کو پیسوں کے عوض اپنے دوست سے ملاقات کی پیشکش کی تھی۔

اس پوسٹ پر مریم نفیس نے صارف کی پیشکش پر شدید برہمی کا اظہار کرتے ہوئے کہا تھا کہ ہم باعزت اداکارائیں ہیں کوئی جسم فروش نہیں ہیں۔