پاکستانی اداکارہ کنزہ ہاشمی نے کہا ہے کہ میں روزانہ رات کو اداکارہ اور اپنی دوست صبور علی کو بلاک کر کے سوتی ہوں۔

تفصیلات کے مطابق کنزہ ہاشمی نے اپنے حالیہ انٹرویو میں اپنی اور صبور علی کی گہری دوستی سے متعلق ایک دلچسپ قصہ بتایا۔

[amazonad category=”Auto”]

کنزہ ہاشمی نے کہا کہ صبور صبح 7، 8 بجے اٹھنے کی عادی ہے اور وہ اٹھنے کے ساتھ جب دل کرے کال کردیتی ہے۔

انہوں نے کہا کہ صبور کی جب پہلی بار کال آئی تو میں نے یہ سوچ کر کال ریسیو کرلی کہ کوئی پریشانی نہ ہو لیکن کال ریسیو کرنے کے بعد صبور نے مجھ سے سوال کیا کہ کیا کررہی ہوں، چلو ناشتہ کرنے جاتے ہیں۔

اداکارہ نے کہا کہ میں نے صبور کے ساتھ اتنی صبح ناشتے کے لئے جانے سے منع کیا لیکن اس کے مجبور کرنے پر چلی گئی مگر اگلے دن 8 بجے کال آئی تو میں نے وجہ پوچھی جس پر صبور نے بتایا کہ ایسے ہی کال کی تھی۔