پاکستان کے معروف گلوکار سجاد علی نے پاکستان کی لیجنڈری گلوکارہ میڈم نور جہاں کی غزل گا کر مداحوں کا دل جیت لیا ہے۔

تفصیلات کے مطابق سجاد علی کی جانب سے سوشل میڈیا اکاؤنٹ انسٹا گرام پر ایک ویڈیو شیئر کی گئی جس میں وہ ملکۂ ترنم نور جہاں کی گائی ہوئی ایک غزل گا رہے ہیں۔

[amazonad category=”Auto”]

انہوں نے اپنے مداحوں سے کہا  کہ ابھی انہیں ایک غزل یاد آ گئی تو سوچا کہ کیوں نہ اسے اپنے فالوورز کے ساتھ بھی شیئر کیا جائے۔

سجاد علی کا ویڈیو کے کیپشن میں بتانا تھا کہ میڈم نور جہاں کی گائی ہوئی یہ غزل استاد نظرحسین کی جانب سے کمپوز کی گئی تھی جبکہ اسے ضیاء جالندھری نے لکھا تھا۔

واضح رہے کہ سجاد علی کی اس ویڈیو پر تا حال ہزاروں لائیکس اور سیکڑوں تعریفی کمنٹس آ چکے ہیں جس میں مداحوں کا سجاد علی کا شکریہ ادا کرتے ہوئے کہنا ہے کہ آپ نے میڈم نور جہاں کی غزل گا کر اُن کے پرستاروں کی یادیں تازہ کر دی ہیں۔