35 سال بعد بھی ایک ساتھ ٹی وی اسکرین پر آنے والی پی ٹی وی کی معروف بہنوں کی  جوڑی کے بھارت میں بھی چرچے ہو رہے ہیں۔

سوشل میڈیا پر اچانک سے زیرگردش مرینہ اور شہناز شیخ کی تصویریں جب بھارتی صحافی اور مصنفہ برکھا دت تک پہنچیں تو انہوں نے بھی اس باکمال جوڑی کی تعریف کردی۔

[amazonad category=”Mobile”]

انہوں نے ٹوئٹر پر ماضی کا اور حالیہ فوٹو کولاج شیئر کرتے ہوئے پاکستانی ڈراموں ’تنہائیاں‘ اور ’دھوپ کنارے‘ کی کھل کر تعریف کی۔

ایک اور ٹوئٹ میں برکھادت نے لکھا کہ ’دھوپ کنارے کو کوئی کیسے بھول سکتا ہے، اس وقت ہر لڑکی کا واحد کَرش ڈاکٹر احمر ہوتے تھے، اور وہ اسی امید پر رہتی تھی کہ کوئی ڈاکٹر احمر کی طرح اس کے لئے بھی فیض کی نظم کے اشعار ’جیسے ویرانے میں چُپکے سے بہار آجائے‘ پڑھے۔

واضح رہے کہ ماضی کے مقبول ترین ڈرامے تنہائیاں میں ’زویا‘ اور ’سنیا‘ کا لازوال کردار ادا کرنے والی شہناز شیخ اور مرینہ خان جلد پی ٹی وی کے ایک شو میں 35 برس بعد ساتھ شرکت کریں گی۔

خیال رہے کہ یہ مقبول جوڑی عاصم یار تیوانہ کے پی ٹی وی پر نشر کیے جانے والے ٹاک شو ’اسٹار این اسٹائل‘ میں ساتھ نظر آئیں گی۔