شوبز شخصات کی جانب سے گلوکار عاصم اظہر اور اداکارہ ہانیہ عامر کو ایک دوسرے کی عزت اور احترام کرنے کا مشورہ دے دیا گیا ہے۔

تفصیلات کے مطابق گلوکار اور اداکارہ کے درمیان تعلقات ختم ہونے کے بعد سامنے آنے والی ناچاکیوں پر ردعمل دیتے ہوئے انہیں ایک دوسرے کا احترام کرنے کا مشورہ دے دیا ہے۔

حال ہی میں ہانیہ عامر کی گلوکار عاشر وجاہت کے ساتھ کمرے میں بنائی گئی ایک ویڈیو وائرل ہونے پر چہ مگوئیاں ہوئیں کہ اداکارہ کے عاصم اظہر سے تعلقات ختم ہوگئے۔

ہانیہ عامر کی عاشر وجاہت کے ساتھ ویڈیو وائرل ہونے اور ان پر تنقید کے بعد عاصم اظہر نے بھی اداکارہ پر مبہم انداز میں تنقید کی تھی۔

عاصم اظہر کے بعد ہانیہ عامر نے بھی شکایتی پوسٹس کی تھیں، تاہم دونوں نے ایک دوسرے کا نام لئے بغیر اپنی سوشل میڈیا پوسٹس میں ماضی اور تعلقات کا ذکر کیا تھا۔

دونوں کی جانب سے سوشل میڈیا پر ایک دوسرے کے حوالے سے نام لئے بغیر کی گئی تنقیدی پوسٹس کے بعد شوبز شخصیات نے بھی ان کے حوالے سے پوسٹس کیں اور دونوں کو مشورہ دیا کہ وہ ایک دوسرے کا احترام کریں۔