برطانوی شہزادے ہیری اور ولیم کی والدہ شہزادی ڈیانا نے اپنی آخری فون کالز میں اپنے بچوں سے ملنے کی خواہش ظاہر کی تھی۔

شہزادی ڈیانا کے دوست اور صحافی رچرڈ کے نے اپنے حالیہ انٹرویو کے دوران بتایا کہ میں نے شہزادی ڈیانا کی موت سے ایک رات قبل ان سے بات کی تھی، جبکہ پولیس کا دعویٰ ہے کہ وہ ان کی آخری کال تھی۔

[amazonad category=”Mobile”]

رچرڈ کے نے بتایا کہ ڈیانا نے ان سے کہا تھا وہ بہت اچھی جگہ پر ہیں اور اپنی زندگی کے نئے مرحلے کو قبول کرنے کی منتظر ہیں۔

انھوں نے کہا کہ وہ زندگی کی ایک نئی شروعات کرنے کے لئے بے چین تھیں، جبکہ وہ واپس آکر اپنے لڑکوں کو بھی دیکھنا چاہتی تھیں۔

واضح رہے کہ برطانوی شہزادی ڈیانا 1997 میں ایک کار حادثے میں ہلاک ہوگئی تھیں۔