پاکستان کی معروف اداکارہ عروہ حسین نے یہ انکشاف کیا ہے کہ عالمی وباء کورونا وائرس کے باعث گزشتہ دو برس سے اپنی والدہ سے ملاقات نہیں کی۔

تفصیلات کے مطابق اداکارہ نے سوشل میڈیا سائٹ انسٹاگرام پر والدہ کی ایک تصویر شیئر کرتے ہوئے بتایا کہ مجھے میری خوبصورت ،شاندار ،متاثر کن اماں بے حد یاد آرہی ہیں۔

انہوں نے کہا کہ وبائی مرض کی وجہ سے آپ  سے تقریباً دو برس سے ملاقات نہیں ہوئی اور نہ ہی آپ کو قریب سے دیکھ سکی ہوں۔

[amazonad category=”Electronics”]

عروہ حسین نے لکھا کہ وہ جیسے ہی اپنی والدہ کو دیکھتی ہیں، بس ان سے گلے لگنے کا دل کرتا ہے ،پُرامید ہوں کہ جلد ایسا ممکن ہوسکے۔

یاد رہے کہ اداکارہ عروہ حسین نے حال ہی میں کورونا میں مبتلا ہونے کا انکشاف کرتے ہوئے کہا تھا کہ وہ کورونا سے صحتیابی کے بعد اپنی طاقت واپس لانے کے لئے کوشاں ہیں۔