کینیڈا سے تعلق رکھنے والے 28 سالہ نوجوان سے سسر نے تنخواہ سے متعلق سوال کیا اور جواب نہ ملنے پر داماد کو کمرے میں بند کردیا۔

سوشل میڈیا پلیٹ فارم ریڈ اٹ پر کینیڈین  شہری نے یہ انکشاف کیا ہے کہ اُسے ساس اور سسر نے اپنے گھر بلا کر تنخواہ پوچھی اور نہ بتانے پر موبائل چھین کر کمرے میں بند کردیا۔

کینیڈین شہری نے پوسٹ میں یہ دعویٰ کیا کہ ’میری منگیتر کے والد سنار کا کام کرتے ہیں۔

اپنے گھر کھانے پر مدعو کر کے ملازمت کے حوالے سے گفتگو شروع کی وہ اس حوالے سے متعلق معلومات حاصل کرنا چاہتے تھے مگر گفتگو کے دوران تنخواہ بتانے پر اصرار کیا، جس پر میں نے کوئی جواب نہیں دیا اور انہیں یقین دلایا کہ آپ کی بیٹی کا مستقبل محفوظ ہوگا، میں تمام اخراجات پورے کروں گا۔

’اس دوران سسر نے کھانے کی میز پر مجھے چابیاں اور موبائل فون رکھنے کا کہا اور جب وہ مطمئن نہ ہوسکے تو موبائل اور چابیاں اٹھا کر کمرے سے باہر گئے اور دروازہ بند کردیا‘۔

اس حرکت پر مجھے شدید غصہ آیا کیونکہ میرے لئے یہ رویہ ناقابلِ قبول ہے جب میں نے غصے کا اظہار کیا  تو کمرے کا دروزہ کھول کر موبائل اور چابی تھما کر جانے کو کہا ۔

مذکورہ شخص نے اپنے ہونے والے سسر کو لالچی قرار دے دیا ہے۔