دُنیا بھر میں مقبول تُرک سیریز ’ارطغرل غازی‘ میں حلیمہ سلطان کا کردار ادا کرنے والی تُرک اداکارہ ایسراء بیلگیچ نے اپنی نئی ٹی وی سیریز ’کانو سوز توپراکلار‘  کی شوٹنگ کے سیٹ پر اپنی دوستوں کے ہمراہ چند تصاویر سوشل میڈیا پر شیئر کی ہیں۔

تُرک اداکارہ سوشل میڈیا سائٹ انسٹاگرام پر اپنی نئی ٹی وی سیریزکی شوٹنگ کے دوران دوستوں کے ساتھ کافی خوش نظر آ رہی ہیں۔

تُرک اداکارہ کو ایک تصویر میں بلی کے ساتھ کھیلتے ہوئے بھی دیکھا جاسکتا ہے۔

ایسراء بیلگیچ کی اس پوسٹ کو اب تک 5 لاکھ 58 ہزار سے زائد لوگ لائیک کرچکے ہیں اور مداحوں کی جانب سے تبصروں کا سلسلہ بھی جاری ہے۔

بعد ازاں تُرک اداکارہ ایسراءبیلگیچ نے اپنے انسٹاگرام اکاؤنٹ کی اسٹوری پر گنیش کے ساتھ تصاویر شیئر کرتے ہوئے ایک ساتھ ڈرامے میں آنے کی تصدیق بھی کی تھی۔