معروف اداکار بلال قریشی نے سوشل میڈیا پر اپنے بیٹے سوہان کو سالگرہ پر خصوصی پیغام  دیا ہے۔

تفصیلات کے مطابق بلال قریشی نے فوٹو اینڈ ویڈیو شیئرنگ ایپ انسٹاگرام پر اپنے بیٹے سوہان کی سالگرہ کی تقریب کی خوبصورت تصاویر شیئر کی ہیں ،جن میں بلال قریشی اپنی اہلیہ و اداکارہ عروسہ اور اپنے دونوں بیٹوں کے ساتھ بہت خوش نظر آرہے ہیں۔

اداکار کی جانب سے شئیر کی گئی تصاویر کے کیپشن میں انہوں نے بیٹے کو پانچویں سالگرہ کی مبارکباد دیتے ہوئے محبت کا اظہار کیا اور سوہان کو اپنی زندگی و جان قرار دیا۔

[amazonad category=”Mobile”]

اس کے علاوہ تصاویر میں دیکھا جا سکتا ہے کہ پوری فیملی نے ایک جیسے میچنگ کے کپڑے پہنے ہوئے ہیں۔

واضح رہے کہ بلال قریشی نے سال 2015 میں اداکارہ عروسہ سے شادی کی تھی اور اس جوڑی کے بڑے دو بیٹے’محمد سوہان‘ اور ‘محمد رومان‘ ہیں۔