بھارت کی تامل فلم انڈسٹری کے معروف اداکار، پروڈیوسر، ڈائریکٹر، کہانی نویس، گیت نگار اور گلوکار دھنوش نے چنئی کے فیشن ایبل علاقے پوز گارڈن میں چار منزلہ گھر خرید لیا۔

غیر ملکی خبر رساں ادارے کے مطابق اس گھر کی تعمیر پر دھنوش نے ایک سو پچاس کروڑ بھارتی روپے خرچ کیے ہیں۔

[amazonad category=”Mobile”]

اس گھر پر ہونے والی ایک تقریب میں تامل فلموں کے سپر اسٹار اور دھنوش کے سسر رجنی کانت نے بھی شرکت کی۔

بھارتی میڈیا کی رپورٹ کے مطابق دھنوش کا گھر آٹھ گراؤنڈز جو کہ لگ بھگ 19 ہزار اسکوائر فٹ کے مساوی ہے پر تعمیر کیا گیا ہے۔

واضح رہے کہ دھنوش ان دنوں امریکا میں اپنی نیٹ فلیکس پر آنے والے فلم ’دی گرے مین‘ کی شوٹنگ کے لئے گئے ہوئے ہیں۔