کترینہ کیف نے ایک بار اکشے کمار کو راکھی باندھنے کی خواہش ظاہر کی تو اداکار نے کترینہ کو لاجواب کر دیا۔

غیر ملکی خبر رساں ادارے کے مطابق بالی ووڈ کی باربی ڈول کترینہ کیف کی خوبصورتی کے بھارت سمیت دنیا بھر میں چرچے ہیں لیکن کترینہ کیف کا کوئی بھائی نہیں ہے جس کے لیے انہوں نے متعدد اداکاروں کو راکھی باندھنے کی خواہش ظاہر کی تاہم کسی نے بھی کترینہ کو بہن بنانے میں دلچسپی نہیں لی۔

[amazonad category=”Electronics”]

کترینہ کیف نے اپنے ایک انٹرویو میں یہ انکشاف کیا کہ میں اکشے کمار کو بہت اچھا دوست سمجھتی ہوں اس لیے ’تیس مار خان‘ کی شوٹنگ کے دوران میں نے اکشے کمار کو راکھی باندھنے کی خواہش ظاہر کی تو اکشے کمار بھڑک گئے اور جواب میں مجھے کہا ’’کیا آپ تھپڑ کھانا پسند کریں گی۔

واضح رہے کہ بالی ووڈ کے کھلاڑی اکشے کمار اور کترینہ کیف ’نمستے لندن‘، ’دے دنا دن‘، ’تیس مار خان‘سمیت متعدد فلموں میں ایک ساتھ کام کرچکے ہیں۔