معروف شوبز جوڑی احد رضا میر اور سجل علی کی ویب سیریز ’دھوپ کی دیوار‘ کا ٹریلر ریلیز کردیا گیا ہے۔

تفصیلات کے مطابق دھوپ کی دیوار کے 2 منٹ اور 46 سیکنڈ کے ٹریلر میں بھارت کی جموں کشمیر میں انتہا پسندی کو دکھایا گیا ہے اور بعد میں احد اور سجل کی بڑھتی دوستی کو دکھایا ہے۔

سجل علی نے ٹریلر شیئر کرتے ہوئے لکھا کہ ’اس سے کوئی فرق نہیں پڑتا ہے کہ جنگ کون جیتتا ہے ، ہر صورت میں دونوں ممالک کو خسارے کا سامنا کرنا پڑتا ہے۔

سجل علی نے بتایا کہ ویب سیریز ’دھوپ کی دیوار‘ میں سجل علی نے ایک پاکستانی فوجی کی بیٹی سارہ کا کردار ادا کیا ہے جبکہ احد رضا میر ہلاک بھارتی فوجی کے بیٹے ویشال کا کردار نبھاتے نظر آئیں گے۔

پاکستان کی نامور جوڑی سجل علی اور احد رضا میر کے مداحوں اس سیریز کا بے صبری سے انتظار ہے۔

’دھوپ کی دیوار‘ کی اسکرپٹ رائٹر معروف مصنفہ عمیرہ احمد ہیں جبکہ اس ڈرامے کے ہدایتکار حسیب حسن ہیں۔