پاکستان شوبز انڈسٹری سے منسلک معروف میزبان اور اداکارہ نادیہ خان اپنی بیٹی علیزے سے متعلق بات چیت کرتے ہوئے آبدیدہ ہوگئیں۔

تفصیلات کے مطابق پروگرام کی میزبانی کرنے والی نادیہ خان کے شو میں ان کی بیٹی نے شرکت کی۔

[amazonad category=”Auto”]

نادیہ نے بتایا کہ ان کی بیٹی علیزے جلد ہی مزید تعلیم حاصل کرنے کینیڈا جارہی ہے جبکہ وہ چاہتی ہیں کہ علیزے پاکستان میں رہ کر ہی تعلیم مکمل کرے۔

نادیہ خان نے موجودہ حالات کے پیشِ نظر اپنے خدشات ظاہر کیے اور کہا کہ میں نے کافی کوشش کی یہ نا جائے لیکن مجھے کامیابی نہیں مِلی۔

بیٹی کا ذکر کرتے ہوئے نادیہ خان جذبات پر قابو نا رکھ سکیں اور ان کی آنکھوں سے آنسو چھلک گئے۔

اداکارہ نے مزید بتایا کہ میں نے اِسے ڈراموں میں کام کرنے کے لئے کہا اور کئی لوگوں سے مِلایا لیکن اس کے گریڈ اچھے تھے اسی لئے یونیورسٹی میں داخلہ ہوگیا۔