عمران اشرف پاکستانی ڈرامہ انڈسٹری کے مشہور و معروف اداکار اور ڈرامہ اسکرپٹ رائٹر ہیں۔

عمران اشرف بہترین معاون اداکار کی کیٹگری میں اب تک تین ایوارڈز حاصل کر چکے ہیں۔

حال ہی میں اداکار نے اپنے مداح کی بنائی گئی ایک تصویر کو اپنے اکاؤنٹ کے ذریعے شیئر کیا ہے۔

عمران اشرف کی شیئر کردہ اس پوسٹ میں ان کے مداح نے ان کی تصویر بنانے کے لئے کیلوں کا استعمال کیا ہے۔

اس پوسٹ کو شیئر کرتے ہوئے عمران اشرف کا کہنا ہے کہ ’ماشاء اللہ، میرا پاکستان کتنا قابل ہے‘۔

ان کا کیریئر مختلف اور ہٹ کر کردار ادا کرنے سے بنا۔ چاہے وہ ’الف، اللہ اور انسان‘ میں ایک خواجہ سرا کا رول ہو یا اب ’رانجھا رانجھا کر دی‘ میں بھولے کا انوکھا کردار جس نے ناظرین کا دل جیت لیا ہے۔

اس سے قبل سماجی رابطے کی ویب سائٹ ٹوئٹ پر اپنے ایک پیغام میں اقرار الحسن نے پاکستانی اداکار عمران اشرف کو قابل تعریف کہا تھا۔

آپ اداکاری کی سلطنت کے سلطان ہیں 👑 سلامت رہیں ہم سب کے سُپر سٹار اور یوں ہی کامیابیاں، عزتیں اور پیار سمیٹتے رہیں۔ #Raqsebismil https://www.bolnews.com/urdu/entertainment/2021/07/111641/amp/

— Iqrar ul Hassan Syed (@iqrarulhassan) July 10, 2021

اپنے پیغام میں اقرار الحسن نے کہا تھا کہ عمران اشرف اداکاری کی سلطنت کے سلطان ہیں۔

انہوں نے عمران اشرف کے لئے نیک تمناؤں کا اظہار کرتے ہوئے کہا ہے کہ آپ ہم سب کے سُپر اسٹار ہیں۔

واضح رہے کہ عمران اشرف کو اُن کے کردار موسیٰ کی وجہ سے پاکستان سمیت بھارت میں خوب شہرت مل رہی ہے، یہ کردار اُنہوں نے ڈرامہ سیریل ’رقصِ بسمل‘ میں ادا کیا تھا جو کہ ایک نجی ٹی چینل سے نشر کیا گیا تھا۔

[amazonad category=”Auto”]