معروف ٹک ٹاک اسٹار جنت مرزا نے ایوارڈ شوز پر پابندی عائد کرنے کا مطالبہ کردیا۔

تفصیلات کے مطابق ملک بھر میں کئی عرصے سے معروف ایپلیکیشن ٹک ٹاک پر غیر اخلاقی مواد شیئر کیے جانے پر پابندی لگانے کا سلسلہ جاری ہے تاہم اسی حوالے سے ٹک ٹاکر جنت مرزا نے انسٹاگرام پر اسٹوری پوسٹ کی ہے۔

جنت مرزا نے سوال کرتے ہوئے لکھا کہ ایوارڈ شوز کے بارے میں کیا خیال ہے؟ جہاں غیر اخلاقی لباس اور اسٹیج پر ڈانس کرنا سب عام بات ہے۔

ٹک ٹاکر کا کہنا تھا پھر ان شوز پر بھی پابندی لگا دینی چاہئیے۔

جنت مرزا کی یہ اسٹوری انسٹاگرام سمیت سوشل میڈیا کے دیگر پلیٹ فارمز پر وائرل ہوگئی ہے جہاں بعض صارفین ان سے متفق دِکھائی دیے۔