پاکستان میوزک انڈسٹری کی مقبول ترین گلوکارہ آئمہ بیگ کی شہباز شگری کے ہمراہ دلکش تصویریں وائرل ہو گئی ہیں۔

حال ہی میں اپنی شادی کے حوالے سے ایک اہم اعلان کرنے والی گلوکارہ نے سوشل میڈیا سائٹ انسٹاگرام پر اپنے ہونے والے شوہر شہباز شگری کے ہمراہ کچھ دلکش تصویریں شیئر کیں۔

انسٹاگرام پر شیئر کی گئی تصویریں حالیہ ایوارڈز شو کی ہیں جس میں آئمہ بیگ نے سُرخ رنگ کا مغربی طرز کا لباس زیب تن کیا تھا جبکہ اُن کے منگیتر شہباز شگری نے سیاہ رنگ کا پینٹ سوٹ پہنا تھا۔

[amazonad category=”Auto”]

آئمہ بیگ نے تصویریں شیئر کرتے ہوئے اپنے مداحوں سے مخاطب ہوکر لکھا کہ میری ہمیشہ والی ڈیٹ سے ملیے۔

گلوکارہ کی پوسٹ پر تبصرہ کرتے ہوئے شہباز شگری نے مزاحیہ انداز میں لکھا کہ مجھے خود سے مل کر بہت اچھا لگا۔

خیال رہے کہ آئمہ بیگ گلوکاری کے میدان میں اپنا لوہا منوا چکی ہیں جبکہ اسلام آباد سے تعلق رکھنے والے شہباز شگری ماڈلنگ کے ساتھ ساتھ اداکاری بھی کرتے ہیں۔