90 کی دہائی کا سب سے مقبول ڈراما ’’عینک والا جن‘‘ اب نئے نام کے ساتھ پھر سے ٹی وی اسکرینز پر دکھایا جارہا ہے۔

تفصیلات کے مطابق عینک والا جن‘‘ بچوں کے لئے بنایا گیا ،جو کہ ایک کلاسیکی پاکستانی ڈراما ہے ،یہ 1993 سے 1996 تک پاکستان کے سرکاری ٹی وی پر نشر کیا گیا تھا۔

[amazonad category=”Auto”]

 ’’عینک والا جن‘‘ اپنے دور کا بہترین ڈراما تھا جو جادوگر، جن اور پریوں کی کہانی پر مشتمل تھا۔

 یہ ڈراما بچوں سمیت بڑوں میں بھی بے حد مقبول تھا، یہی وجہ ہے کہ لوگوں کے مطالبے پر اس ڈرامے کو پی ٹی وی پر دوبار نشر کیا گیا تھا۔

ایک بار پھر ’’عینک والا جن‘‘ اب نئے نام ’’ریٹرن آف نستور‘‘ کے ساتھ  ٹی وی پر نشر کیا جارہا ہے جو کہ دراصل ’’عینک والا جن‘‘ کا سیکوئل ہے تاہم اس بار یہ ڈراما پی ٹی وی پر نہیں بلکہ ایک اور پاکستانی چینل پر نشر کیا جارہا ہے۔

واضح رہے کہ ریٹرن آف نستور کی کہانی بھی جادوگروں، جن اور پریوں کے گرد گھومتی ہے لیکن اس بار ڈرامے میں موجودہ دور کے تقاضوں کے مطابق  جدید ٹیکنالوجی استعمال کی گئی ہے۔