معروف ماڈل و اداکارہ نادیہ حسین نے مداحوں کو اپنی اِسکن کیئر روٹین اور فِٹ رہنے کے راز سے آگاہ کیا ہے۔

اداکارہ نے حال ہی میں ایک انٹرویو دیتے ہوئے بتایا کہ میں ایکسر سائز بالکل نہیں چھوڑتی اور ڈائیٹ کا بھی بے حد خیال رکھتی ہوں لیکن جب بھی مجھے وزن میں کمی کرنا ہو تب میں غذا کا کچھ حصہ کم کردیتی ہوں۔

[amazonad category=”Electronics”]

انہوں نے اپنی جوان جِلد کے حوالے سے بتایا کہ میں اسکن کیئر روٹین کا بہت خیال رکھتی ہوں یہاں تک کہ اپنی کلائنٹس کو بھی مشورہ دیتی ہوں جس طرح گاڑی اور موٹرسائیکل پر روز کپڑا مارنا ہوتا ہے، مہینے میں ایک بار سروس کروانی پڑتی ہے تاکہ وہ گندگی سے پاک رہے، اسی طرح جلد کی دیکھ بھال بھی ضروری ہے۔

انہوں نے خواتین کو مخاطب کرتے ہوئے کہا کہ ہوم کیئر بہت ضروری ہے، آپ پارلر بھی جائیں لیکن گھر میں لازمی جِلد کا خیال رکھیں۔

نادیہ حسین نے مزید کہا کہ جِلد کی دیکھ بھال اور وزن کو متوازن رکھنا آپ کی روٹین کا حصہ ہونا چاہئیے، اگر آپ اسے چھوڑ دیں گی تو نتیجہ آپ اپنی صورت میں دیکھیں گی، جب آپ اپنا خیال ہی نہیں رکھتیں تو بعد میں اس کی شکایت کیوں کرتی ہیں۔