سینئر اداکارہ ثمینہ احمد کو گورنر سندھ عمران اسماعیل کی جانب سے پاکستان شوبز انڈسٹری کے لئے ان کی خدمات کو سراہتے ہوئے ’لائف ٹائم اچیومنٹ ایوارڈ‘ سے نوازا گیا۔

اداکارہ کے شوہر منظر صہبائی نے فوٹو اینڈ ویڈیو شیئرنگ ایپ انسٹا گرام پر اپنی اہلیہ کی گورنر سندھ عمران اسماعیل سے ایوارڈ وصول کرتے ہوئے تصویر شیئر کی جس کے کیپشن میں انہوں نے لکھا کہ میری پیاری اہلیہ ثمینہ احمد لائف ٹائم اچیومنٹ ایوارڈ وصول کرتے ہوئے۔

انہوں نے ثمینہ احمد کی تعریف کرتے ہوئے لکھا کہ وہ اس سے کہیں زیادہ حقدار ہیں۔

[amazonad category=”Auto”]

خیال رہے کہ 10 جولائی کو پاکستان ایکٹرز کلیکٹیو ٹرسٹ (ACT-Pakistan) کی جانب سے سندھ گورنر ہاؤس میں ایک تقریب کا انعقاد کیا گیا تھا۔

اس تقریب میں اداکار برادری کے چار سینئر افراد بیگم ثمینہ احمد، بیگم خورشید شاہد (مرحوم)، قوی خان صحاب اور طلعت حسین صحاب کو لائف ٹائم اچیومنٹ ایوارڈ  سے نوازا گیا اور اس موقع پر معزز گورنر سندھ عمران اسماعیل نے ایکٹ میرٹ آف آنر سرٹیفکیٹ بھی تقسیم کیے۔