پاکستان شوبز انڈسٹری کے سینئر اداکار نعمان اعجاز نے کہا ہے کہ چھوٹی عقل والے افراد کی زبان لمبی ہوتی ہے۔

اداکار نے فوٹو اینڈ ویڈیو شیئرنگ ایپ انسٹاگرام پر اپنی نئی تصویر شیئر کی ہے جو اُن کے شو کے سیٹ پر لی گئی ہے۔

اداکار کی جانب سے انسٹاگرام پر شیئر کی گئی تصویر میں نعمان اعجاز کُرتا شلوار میں ملبوس ہیں اور وہ کسی کا شکریہ ادا کرتے نظر آرہے ہیں۔

نعمان اعجاز نے اپنی پوسٹ کے کیپشن میں لکھا کہ عقل جتنی چھوٹی ہوگی، زبان اُتنی ہی لمبی ہوگی۔

اداکار نے لکھا کہ تو آئیے ،ہم اپنی لبمی زبان پر قابو پانا شروع کریں۔

اُنہوں نے اپنے تمام چاہنے والوں کو عید کی مبارکباد دیتے ہوئے لکھا کہ اللّہ تعالیٰ ہم سب کو اپنی رحمتوں سے نوازے، آمین۔

نعمان اعجاز کی اس پوسٹ پر سوشل میڈیا صارفین کی بڑی تعداد اُن کی حمایت کرتی نظر آرہی ہے۔

واضح رہے کہ نعمان اعجاز اکثر سوشل میڈیا پر دلچسپ اور معنی خیز پوسٹس شیئر کرکے مداحوں کے دل جیتتے ہیں۔