عالمی شہرت یافتہ پاکستانی گلوکار عاطف اسلم نے مداحوں کو خوشخبری سناتے ہوئے اپنے نئے گانے ‘رفتہ رفتہ’ کو ریلیز کردیا ہے۔

اس میوزک ویڈیو میں پاکستان کی ہر دلعزیز اداکارہ سجل علی بھی اپنی خوبصورتی کے جلوے بکھیرتی نظر آئیں گی۔

گزشتہ ہفتے پاکستانی گلوکارعاطف اسلم نے اپنے انسٹاگرام اکاؤنٹ کی اسٹوری پر گانے کے ریلیز ہونے کا اعلان کیا تھا۔

https://87a505d36e.nxcli.net/urdu/wp-content/uploads/2021/07/75155097_356447349165951_3532792992250053063_n.mp4?_=2

دوسری جانب اداکارہ سجل علی نے بھی اپنے انسٹاگرام اکاؤنٹ سے اس میوزک ویڈیو کا لنک اور دیگر معلومات کو شیئر کیا ہے۔

خیال رہے کہ ترون چوہدری اور عمر احمد کی پروڈیوس کردہ اس میوزک ویڈیو کی ہدایات حسام بلوچ نے دی ہیں جبکہ میوزک اور بول مشہور پنجابی سنگر راج رنجودھ نے لکھے ہیں۔

واضح رہے کہ یہ میوزک ویڈیو تارش میوزک کے بینر تلے ریلیز ہورہی ہے۔