بالی ووڈ کو سُپر ہٹ فلمیں دینے والی بھارتی اداکارہ مادھوری ڈکشٹ نے اداکاری کی دُنیا کے بعد اب یوٹیوب پر بھی سنگِ میل عبور کرلیا۔

اداکارہ کے یوٹیوب چینل پر سبسکرائبر کی تعداد ایک ملین یعنی 10 لاکھ ہوگئی ہے اور اس ضمن میں اُنہوں نے اپنے چاہنے والوں کے لئے خصوصی پیغام جاری کیا ہے۔

1 Million strong on Youtube 💪🏻Thank you, everyone, for your love & support ❤️ I am super excited to share this special video with all of you. I hope you enjoy it 😌 – https://www.bolnews.com/urdu/entertainment/2021/07/890066/amp/ pic.twitter.com/WwusqIls2L

— Madhuri Dixit Nene (@MadhuriDixit) July 20, 2021

مادھوری ڈکشٹ نے سماجی رابطے کی ویب سائٹ ٹوئٹر پر اپنے چاہنے والوں کے لئے مختصر ویڈیو کلپ شیئر کی ہے جس میں اُنہوں نے کہا کہ میرے یوٹیوب چینل پر سبسکرائبرز کی تعداد ایک ملین ہوگئی ہے اور میں اس کے لئے آپ سب کی بہت شُکر گزار ہوں۔

اُنہوں نے کہا کہ میں آپ سب کے ساتھ اس خصوصی ویڈیو کو شیئر کرنے کے لئے بہت پرجوش ہوں۔

مادھوری ڈکشٹ نے مزید کہا کہ میں اُمید کرتی ہوں کہ آپ میری یہ ویڈیو خوب انجوائے کریں گے۔

واضح رہے کہ مادھوری ڈکشٹ بہت جلد ویب سیریز اور اسٹریمنگ سروسز کی روز بروز بڑھتی مقبولیت دیکھ کر ’ویب ڈیبیو‘ دینے کے لئے تیار ہیں۔