اداکار و گلوکار حسن حیات خان نے نومولود بیٹی ریا حسن حیات کی پیدائش پر ایک جذباتی نوٹ شیئر کیا ہے۔

انہوں نے اپنے انسٹاگرام اکاؤنٹ سے بیٹی کا ننھا ہاتھ تھامے ایک تصویر شیئر کرتے ہوئے لکھا کہ میری ذات کو آپ نے تکمیل تک پہنچانے میں 9 ماہ لگائے، میں وعدہ کرتا ہوں کہ دنیا کو آپ کے قدموں تک لانے کے لئے میں ہر حد پار کروں گا۔

حسن حیات نے لکھا کہ آپ نے صرف 4 دن میں میرا پورا وجود تبدیل کر دیا ہے، میں آپ کے ساتھ باقی کی زندگی گزارنے کامنتظر ہوں، مجھے والد بنانے کے لئے آپ کا شکریہ ریا حیات خان۔

[amazonad category=”Auto”]

انہوں نے مداحوں  کی بے پناہ دعاؤں اور خواہشات کا شکریہ بھی ادا کیا۔

یاد رہے کہ جوڑے کے ہاں رواں ماہ کی 5 تاریخ کو امریکا کے ریور سائیڈ کمیونٹی اسپتال میں بیٹی کی پیدائش ہوئی تھی.