معروف بھارتی اداکارہ کرینہ کپور کے کہنے پر بالی ووڈ کے نامور ہدایت کار امتیاز علی نے فلم ’جب وی میٹ‘ سے بوبی دیول کو نکال کر شاہد کپور کو سائن کیا۔

غیر ملکی خبر رساں ادارے کے مطابق فلم ’جب وی میٹ‘ کے ہدایت کار امتیاز علی نے اداکار بوبی دیول کو سائن کیا تھا اور ان کے مدمقال پہلے عائشہ تاکیہ اور پھر پریٹی زنٹا کو رکھا تاہم بعد میں کرینہ کپور نے فلم میں انٹری لی۔

[amazonad category=”Mobile”]

رپورٹس کے مطابق ان دنوں کرینہ کپور مسلسل ہٹ فلمیں دے رہی تھیں اور ان کا شمار بالی ووڈ کی صف اول کی اداکاروں میں ہونے لگا تھا، یہی وجہ ہے کہ فلم کے ہدایت کار نے فوری طور پر کرینہ کپور کو سائن کر لیا تاہم کرینہ نے فلم کرنے کے لئے ایک شرط رکھ دی۔

رپورٹ میں کہا گیا کہ کرینہ نے ہدایت کار سے کہا وہ اس فلم میں صرف اپنے بوائے فرینڈ شاہد کپور کے ساتھ کام کریں گے جس کے لئے امتیاز علی فوری طور پر مان گئے اور بوبی دیول کو اطلاع دیے بغیر شاہد کپور کو سائن کرلیا۔

بعد ازاں فلم میں شاہد کپور کے کردار ’ادتیا‘ کو بے حد پسند کیا گیا۔