بالی ووڈ میں اداکار یا اداکارہ اسکرپٹ کے مطابق معاوضہ نہ ملنے پر فلم سائن کرنے سے انکار کردیتے ہیں تاہم ایسا شاہد ہی سنا ہو کہ اداکارہ نے خود سے معاوضہ کم کر کے فلم میں خوشی خوشی کام کیا ہو۔

بالی ووڈ کے ڈائریکٹر راکیش اوم پرکاش مہرا اپنی خود نوشت دا اسٹرینجر ان دا مرر میں لکھتے ہیں کہ فلم دہلی 6 میں اداکارہ سونم کپور کی اداکاری اور دوستی کی وجہ سے انہیں فلم بھاگ ملکھا بھاگ کے بارے میں بتایا۔

ہدایتکار راکیش اوم پرکاش مہرا لکھتے ہیں کہ اس فلم میں سونم کپور اسکرین پر کم ہی نظر آئیں اور انہوں نے صرف 11 روپے معاوضہ لینا پسند کیا۔

راکیش اوم پرکاش کہتے ہیں کہ جب جب اداکارہ فلم میں نظر آئیں انہوں نے اسکرین کو روشن کیا، فلم سے سونم کپور کی بہت سی یادیں وابستہ ہیں۔

فلم ہدایتکار سے جب سونم کپور کے 11 روپے معاوضہ لینے کی وجہ پوچھی گئی تو انہوں نے بتایا کہ اداکارہ نے خود سے 11 روپے معاوضے کا مطالبہ کیا تھا، انہوں نے فلم میں خصوصی طور پر کام کیا ہے، فلم دہلی 6 سے ہم دونوں کے درمیان اچھی دوستی ہوگئی تھی۔

راکیش اوم پرکاش کہتے ہیں کہ اداکارہ سونم کپور نے ملکھا سنگھ پر فلم بنانے پر ہمارا بہت شکریہ ادا کیا اور وہ اس فلم میں اپنا حصہ ڈالنا چاہتی تھیں۔