پاکستان سمیت بھارت میں بھی یکساں مقبول اداکار فواد خان فیملی کے ہمراہ اسکردو کی ٹِرپ پر ہیں۔

اداکار فواد خان کی اہلیہ صدف فواد اور بچوں کے ہمراہ اسکردو میں سیر سپاٹوں کی تصویریں سوشل میڈیا پر زیرگردش ہیں۔

نمبر ون فلم اسٹار اسکردو اور شمالی علاقہ جات میں چھٹیاں منارہے ہیں، اس ٹِرپ میں ان کے ہمراہ فیلمی اور قریبی دوست بھی موجود ہیں۔

پاکستانی فلم لیجنڈ آف مولا جٹ کی پروڈیوسر عمارہ حکمت کی جانب سے صدف اور فواد کی بچوں کے ہمراہ تصاویر شیئر کی گئیں جو دیکھتے ہی دیکھتے وائرل ہوگئیں۔

واضح رہے کہ 15 برس قبل رشتۂ ازدواج میں منسلک ہونے والی شوبزجوڑی صدف اور فواد کم و بیش ہی اپنی فیملی سے متعلق کچھ سوشل میڈیا پر شیئر کرتے ہیں۔

اس سے قبل مئی میں صدف فواد نے اپنے بچوں کے ہمراہ ایک خوبصورت سی تصویر شیئر کرتے ہوئے بتایا تھا کہ ان کا بڑا بیٹا عیان 13 برس، بیٹی علینہ ساڑھے چار برس جبکہ چھوٹی بیٹی بیا 6 ماہ کی ہے۔