قومی کرکٹ ٹیم کے سابق لیجنڈری کرکٹر وسیم اکرم کی اپنی اہلیہ شنیرا کے ساتھ طویل عرصے بعد سیلفی سوشل میڈیا پر وائرل ہوگئی ہے۔

 شنیرا نے اپنے تصدیق شدہ انسٹاگرام اکاؤنٹ پر اپنے شوہر وسیم اکرم کے ہمراہ نئی سیلفی شیئر کی جس میں یہ جوڑی بےحد خوش نظر آرہی ہے۔

تصویر شیئر کرتے ہوئے شنیرا نے کیپشن میں خوش لکھا یعنی وہ طویل عرصے بعد اپنی مکمل فیملی کو دیکھ کر بہت خوش ہیں۔

شنیرا اور وسیم اکرم کی اس سیلفی کو سوشل میڈیا صارفین کی جانب سے بہت پسند کیا جارہا ہے۔

واضح رہے کہ 10 ماہ کی طویل عرصے کی دوری برداشت کرنے کے بعد بالآخر وسیم اکرم اپنی اہلیہ شنیرا اور بیٹی عائلہ کے پاس آسٹریلیا چلے گئے ہیں۔

گزشتہ برس سے شنیرا بیٹی کے ہمراہ کورونا وباء کی وجہ سے ہونے والی سفری پابندیوں کے باعث آسٹریلیا میں ہی پھنسی ہوئی تھیں۔