شہزاد شیخ کی سالگرہ، شوبز شخصیات نے تقریب کو چار چاند لگادیئے

پاکستانی ڈرامہ انڈسٹری کے سپر اسٹار شہزاد شیخ کی سالگرہ میں شوبز شخصیات نے شرکت کر کے تقریب کو چار چاند لگادیئے ہیں۔

تفصیلات کے مطابق گزشتہ روز اداکار شہزاد شیخ کی سالگرہ کی تقریب منعقد کی گئی تھی جس میں شو بز شخصیات نے شرکت کی ہے۔

تصاویر میں دیکھا جاسکتا ہے کہ شہزاد شیخ کی سالگرہ میں وجاہت رؤف، شازیہ وجاہت اور اداکار حسن احمد بھی موجود تھے۔

سالگرہ کی اس مختصر تقریب میں دوستوں میں اداکار یاسر حسین اور اقرا عزیز بھی انہیں مبارکباد دینے پہنچے۔

اداکار یاسر حسین نے شہزاد شیخ کے لئے اپنے پوسٹ میں لکھا ہے کہ ’اللہ تیری ہر خواہش پوری کرےاور صحت کے ساتھ لمبی زندگی دے۔‘

علاوہ ازیں شہزاد شیخ کی بہن مومل شیخ نے بھی ان کو سالگرہ کی بہت مبارکباد دیتے ہوئے ایک پوسٹ شیئر کی ہے۔

اس پوسٹ میں اداکارہ مومل شیخ نے سالگرہ کی تقریب اور کیک کاٹتے ہوئے دیگر تصاویر شیئر کی ہیں۔

خیال رہے کہ پاکستانی اداکار شہزاد شیخ 39 برس کے ہوگئے اور گزشتہ روز انہوں نے اہلیہ اور دوستوں کے ہمراہ اپنی سالگرہ منائی تھی ۔