شوبز انڈسٹری کے سینئر اداکار منظر صہبائی نے اپنی جوانی کی تصویریں مداحوں کے ساتھ شئیر کردیں۔

منظر صہبائی نے فوٹو اینڈ ویڈیو شئیرنگ ایپ انسٹاگرام پر اپنی تصاویر شئیر کی اور کیپشن میں فکر انگیز قول بھی لکھا۔

انہوں نے لکھا کہ کبھی نہ بھولیں کہ آپ کے ساتھ کون تھا جب آپ کے پاس کچھ نہیں تھا۔

ایک اور تصویر میں انہوں نے اپنے بیٹے کو گود میں اُٹھا رکھا ہے۔

42 سال قبل یعنی 1979 میں لی گئی بیٹے کے ہمراہ اس تصویر کو دیکھنے والے خوشگوار حیرت میں مبتلا ہوگئے۔

پُرانی تصویریں دیکھ کر مداح منظر صہبائی کو جوانی میں حمزہ علی عباسی کا ہمشکل قرار دے رہے ہیں۔

واضح رہے کہ منظر صہبائی پاکستان کی فلموں اور ڈراموں کے سینئر اداکار ہیں اور نامور شاعر سرمد صہبائی کے بھائی ہیں۔

منظر صہبائی نے پاکستانی فلموں بول، زندہ بھاگ اور ماہِ میر میں اپنی جاندار اداکاری سے مداحوں کے دل جیتے ہیں۔

پاکستان شوبز انڈسٹری کے معروف اداکار گزشتہ برس 4 اپریل کو سینئر اداکارہ ثمینہ احمد سے رشتہ ازدواج میں منسلک ہوئے تھے۔