پاکستانی اداکارہ ماہرہ خان گھریلو تشدد اور جنسی استحصال کی شکار ہونے والی تمام خواتین اور بچوں کی فلاح اور بہبود کے لئے عالمی مہم کا حصہ بن گئیں ہیں۔

رپورٹس کے مطابق مہم کا حصہ بننے کے حوالے سے متعدد پوسٹس کیں، جن میں انہوں نے تصدیق کی کہ وہ ’کامن ویلتھ‘ کے تحت شروع کی گئی مہم ’جوائن دی کورس‘ کا حصہ بن چکی ہیں۔

اس حوالے سے اداکارہ ماہرہ خان نے  اپنے ایک ویڈیو پیغام میں لوگوں کو پیغام دیا کہ وہ گھریلو تشدد اور جنسی استحصال سمیت دیگر مسائل پر خاموش رہنے کی روایات کو ختم کرکے آواز بلند کریں۔

اداکارہ ماہرہ خان نے اپنے پیغام میں بتایا ہے کہ ہم سب مل کر ان تمام مظلوم عورتوں کو رہائی دلانے میں کامیاب ہوسکتے ہیں۔

اس سے قبل بھی اداکارہ ماہرہ خان نے اپنے ایک انٹرویو میں پاکستانی معاشرے میں استحصال کا نشانہ بننے والی خواتین کو قصور وار سمجھنے اور اس سے جڑے دیگر مسائل پر بات کی تھی۔

اداکارہ ماہرہ خا نے کہا تھا کہ  جنسی ہراسانی اور استحصال’ کا نشانہ بننے والی خواتین کو ہی قصور وار سمجھ کر انہیں کٹہرے میں کھڑا کر کے ان سے غلط سوالات کیے جاتے ہیں۔