سابقہ گلوکارہ رابی پیرزادہ نے کہا ہے کہ وہ اپنے فاؤنڈیشن کی مدد سے پاکستان کے ہر شہر کو تعلیم یافتہ بنانا چاہتی ہیں۔

رابی پیرزادہ نے سماجی رابطے کی ویب سائٹ ٹوئٹر پر اپنی تصویر شیئر کی ہے جو اُن کو پیش آنے والے حادثے کے بعد کی ہے۔

رابی پیرزادہ نے اپنی تصویر شیئر کرتے ہوئے کیپشن میں لکھا کہ انشاءاللّہ ،میرا اگلا قدم کراچی ہے، مجھے پاکستان کا ہر شہر تعلیم یافتہ بنانا ہے۔

اگلا قدم کراچی انشااللہ۔ پاکستان کا ہر شہر تیم یافتہ بنانا ہے۔ خواتین کو رزق اور بچوں کو علم۔ جو لوگ ہمارے ساتھ ہیں وہ پاکستان کے ساتھ ہیں۔ آپ
سے صرف دعائیں اور مثبت سوچ چاہئیے۔#rabipirzadafoundation pic.twitter.com/mtZDCrG4Te

Advertisement

— Rabi Pirzada (@Rabipirzada) September 16, 2021

سابقہ گلوکارہ نے لکھا کہ مجھے خواتین کو رزق اور بچوں کو علم دینا ہے لہٰذا جو لوگ ہمارے ساتھ ہیں وہ پاکستان کے ساتھ ہیں۔

انہوں نے لکھا کہ مجھے آپ سے صرف دعائیں اور مثبت سوچ چاہئیے۔

اپنے اگلے ٹوئٹ میں رابی پیرزادہ نے لکھا کہ دو روز قبل مجھے کراچی میں ایک حادثہ پیش آیا تھا لیکن الحمداللّہ ،میں اب بالکل ٹھیک ہوں۔

انہوں نے لکھا کہ مجھے یہ درد محسوس نہیں ہوتا کیونکہ یہ دُنیا بہت ظالم ہے۔

واضح رہے کہ رابی پیرزادہ نے سال 2019 میں شوبز انڈسٹری سے کنارہ کشی اختیار کرتے ہوئے اسلامی تعلیمات کے مطابق اپنی زندگی گُزارنے کا فیصلہ کیا تھا ،اس کے علاوہ وہ فلاحی کاموں میں بھی بڑھ چڑھ کر حصہ لیتی نظر آتی ہیں۔