بالی وڈ کی معروف اداکارہ کترینہ کیف کی شادی کے حوالے سے خبریں گردش میں ہیں جبکہ اس سے پہلے ان کی منگنی کی خبر بھی سامنے آئی تھی ۔

اس حوالے سے جاری میڈیا رپورٹ میں بتایا گیا ہے کہ اداکارہ کترینہ کیف کا ایک پرانا بیان سامنے آیا ہے جس میں انہوں نے اپنی شادی کے حوالے سے بات کی ہے۔

 اس بیان میں اداکارہ کترینہ کیف نے ایک سوال کے جواب میں کہا تھا کہ جس دن وہ اپنی شادی کا فیصلہ کرلیں گی تو وہ اپنی شادی میں پوری دنیا کو دعوت دیں گی۔

خیال رہے کہ اداکارہ کترینہ کیف کا یہ بیان 2015 کا ہے جب وہ بھارتی میڈیا کو انٹرویو دے رہیں تھیں۔

واضح رہے کہ کچھ عرصہ قبل اداکارہ کترینہ کیف اور اداکار ویکی کوشل کی منگنی کی افواہیں تھیں جس کی تردید کرتے ہوئے اداکارہ نے بتایا تھا کہ وہ اپنی نئی فلم ٹائیگر 3 کی شوٹنگ میں خاصی مصروف اور ملک سے باہر ہیں جبکہ اداکار وکی کوشل اس دوران ممبئی میں ہی موجود تھے۔

علاوہ ازیں کترینہ کیف اور وکی کوشل کے ساتھ ہونے کی خبریں 2019 سے خبروں کا حصہ ہیں جبکہ اس حوالے سے بہت سی اہم شخصیات نے بھی اس حوالے سے بات کی تھی۔