پاکستان کی معروف اداکارہ و ماڈل ہانیہ عامر نے معنی خیز پوسٹ جاری کردی۔

سوشل میڈیا سائٹ انسٹاگرام پر ہانیہ عامر نے اپنی ایک تصویر شیئر کی جس میں اُن کے ہاتھ میں چائے کا کپ ہے اور وہ بےحد خوش نظر آرہی ہیں۔

ہانیہ عامر نے تصویر کے کیپشن میں لکھا کہ ہمارے اردگرد بہت زیادہ شور ہے جس کی وجہ سے ہماری نظر اُن چیزوں اور لوگوں کی طرف سے ہٹ جاتی ہے جن کے لئے ہمیں شکر ادا کرنا چاہئیے۔

انہوں نے لکھا کہ ہم ان لوگوں کے پیچھے بھاگتے ہیں جنہوں نے ہمیں تکلیف دی ہے اور ان لوگوں کے لئے فریاد کرتے ہیں جنہوں نے ہمارے ساتھ دھوکا کیا ہے۔

اداکارہ نے لکھا کہ بعض اوقات ہم اچھے لوگوں کو صرف اس وجہ سے سمجھتے ہیں کہ وہ بغیر کسی سوال یا فائدے کے کسی بھی وقت ہماری مدد کے لئے دستیاب ہوتے ہیں۔

ہانیہ عامر نے لکھا کہ ان لوگوں کی تعریف کریں جو آپ کو خوشی دیتے ہیں،  ان مہربان روحوں کی تعریف کریں جو صرف آپ کے لئے بھلائی چاہتے ہیں، وہ جو بدلے میں کسی چیز کی توقع نہیں رکھتے۔

انہوں نے لکھا کہ وہ لوگ جن کے ساتھ آپ خاموشی سے بیٹھ سکتے ہیں، رات کے کسی بھی وقت بات چیت کرسکتے ہیں۔

اداکارہ نے لکھا کہ ہمیں ایسے مہربان لوگوں کی کوششیں معمولی لگ سکتی کیونکہ وہ شاید آپ کی زندگی میں کسی بڑے واقعے کی وجہ نہیں بنتے لیکن وہ وہی ہیں جو آپ کے ساتھ مخلص ہیں۔

آخر میں ہانیہ عامر نے لکھا کہ ایسے خوبصورت لوگوں کی تعریف کریں کیونکہ وہ نایاب ہیں۔