پاکستانی اداکارہ ریماخان نے لیجنڈری فنکار عمر شریف کی شایان شان تعریف کرتے ہوئے کہا ہے کہ وہ ایک  باکمال اور بے مثال انسان تھے۔

اداکارہ ریما خان نے اپنے سوشل میڈیا پلیٹ فارم  کے ذریعے ایک ویڈیو شیئر کی ہے جس میں انہوں نے عمر شریف کی عظیم شخصیت  کے حوالے سے بات کی ہے۔

ریما خان نے کہا ہے کہ عمر شریف جیسی شیخصت صدیوں میں پیدا ہوتی ہے جنہوں نے ہمیشہ اپنی زندگی میں لوگوں میں خوشیاں  تقسیم کی ہیں۔

اس سے قبل اداکارہ ریما خان نے شوہر نے بھی عمر شریف کے حوالے سے اپنا ایک ویڈیو بیان جاری کیا تھا ۔

انہوں نے طے کر لیا تھا کہ اگر جرمنی میں عمر شریف کی صحت بہتر نہ ہوئی تو وہ خود اپنے ساتھی ڈاکٹرز کے ساتھ جرمنی جانے والے تھے۔

طارق شہاب کا کہنا تھا کہ عمر شریف کو کئی بیماریاں تھیں، کئی علاج ہوئے اور کئی بیماریوں کا علاج بھی جاری تھا۔ عمر شریف کی کڈنی کام نہیں کر رہی تھی، شوگر کا مرض بھی تھا،  اداکار   کی پہلے بھی بائی پاس سرجری ہوچکی تھی۔

ان کے مطابق ہفتے کو عمر شریف کا ڈائیلائسز بھی بہترین انداز سے ہو گیا تھا مگر اس کے بعد ان کے دل نے بتدریج کام کرنا چھوڑ دیا اور پھر دل کا دورہ پڑا جو جان لیوا ثابت ہوا۔