حال ہی میں اپنے پہلے بچے کو خوش آمدید کہنے والی شوبز انڈسڑی کی مقبول ترین جوڑی گلوکار فلک شبیر اور اہلیہ سارہ خان نے اپنی ننھی پری کی ویڈیو سوشل میڈیا پر شیئر کی ہے۔

فوٹو اینڈ ویڈیو شیئرنگ ایپ انسٹاگرام کی اسٹوری پر فلک شبیر نے عالیانہ کی سوتے ہوئے ویڈیو اسٹوری شیئر کی ہے جسے سارہ خان نے بھی اپنے اکاؤنٹ پر ری شیئر کیا ہے۔

فلک شبیر کا اپنی اس اسٹوری کے کیپشن میں کہنا ہے کہ وہ والد ہونے کی ڈیوٹی ادا کر رہے ہیں جبکہ اس دوران عالیانہ جھولے میں آرام سے سو رہی ہے۔

سارہ خان اور فلک شبیر کے ہاں آنے والی ننھی گڑیا عالیانہ اِس جوڑی سمیت اِن دونوں کے مداحوں کی آنکھوں کا تارا بنی ہوئی ہے۔

فلک شبیر اور سارہ خان کی جانب سے آج کل اپنی بیٹی کی نئی ویڈیوز اور تصویریں خوب انسٹا گرام پر شیئر کی جا رہی ہیں جنہیں دونوں کے مداحوں کی جانب سے خوب پسند بھی کیا جاتا ہے۔