پاکستان شوبز انڈسٹری کے معروف اداکار عمران اشرف نے اپنے اور اداکارہ و ماڈل سعدیہ خان کے گانے کے ریلیز ہونے کی تاریخ بتادی۔

عمران اشرف نے سوشل میڈیا سائٹ انسٹاگرام پر اپنے اور سعدیہ خان کے گانے کا ٹیزر شیئر کیا ہے۔

شئیر کیے گئے ٹیزر میں محبت کی ایک رومانوی داستان کو بڑے ہی شاندار انداز میں پیش کیا گیا ہے۔

اداکار نے کہا کہ اُن کا اور سعدیہ خان کا یہ گانا رواں  ماہ21 اکتوبر کو ریلیز کیا جائے گا۔

انہوں نے اپنی پوسٹ کے کیپشن میں لکھا کہ سوچ بینڈ ایک دل کو چُھو لینے والا گانا لے کر آرہا ہے جس کا عنوان تیرا دیوانہ ہے۔

عمران اشرف نے لکھا کہ یہ گانا بلال سعید اور ون ٹو ریکارڈز کی جانب سے پیش کیا گیا ہے جبکہ اس گانے کے ہدایتکار عدنان کندھار ہیں۔

اداکار عمران اشرف کی پوسٹ پر مداحوں کا کہنا ہے کہ وہ بےصبری سے اداکار کے گانے کا انتظار کر رہے ہیں۔