پاکستان کی خوبرو اداکارہ نور ظفر خان نے خود کو بہن اور اداکارہ سارہ خان کے ہاں آنے والی ننھی مہمان عالیانہ کی پسندیدہ خالہ قرار دے دیا۔

نور ظفر خان کی جانب سے اپنے سوشل میڈیا اکاؤنٹ انسٹا گرام پر ایک نئی تصویر شیئر کی گئی ہے جس میں اُنہیں سارہ خان کی بیٹی عالیانہ کو اپنی گود میں اٹھائے ہوئے دیکھا جا سکتا ہے۔

انہوں نے اپنی پوسٹ کے کیپشن میں لکھا کہ عالیانہ کی پسندیدہ خالہ، عالیانہ سے محبت کرتی ہیں۔

نور ظفر خان کی اس پوسٹ پر اُن کے ہزاروں مداحوں سمیت شوبز انڈسٹری کی معروف اداکاراؤں کی جانب سے بھی تعریفی کمنٹ کیے جا رہے ہیں۔