پاکستانی مشہور یوٹیوبر و اداکار شاہ ویر جعفری نے دعوتِ ولیمہ پر ہونے والی  تنقید کرنے والوں کو جواب دے دیا۔

شاہ ویرجعفری کی شادی کی آخری تقریب دعوتِ ولیمہ کے دوران بنائی گئی متعدد تصویریں اور وڈیوز سوشل میڈیا پر وائرل ہوگئی ہیں۔

وائرل تصویروں میں سے ایک تصویر پر شاہ ویر جعفری کو انٹرنیٹ صارفین کی جانب سے خوب تنقید کا نشانہ بنایا گیا۔

اس تصویر میں نوبیاہتا جوڑے کے عقب میں  دیوار پر ایک پوسٹر دیکھا جاسکتا ہے جس پر تقریب کے دوران شادی کے ہال میں باڈی گارڈز اور ڈرائیوروں کے داخلے کو ممنوع قرار دیا گیا ہے۔

صارفین کا کہنا ہے کہ یہ شاہ ویر جعفری کا اصل چہرہ ہے وہ اسکرین اور سوشل میڈیا پر کچھ اور نظر آ تے ہیں اور حقیقت میں وہ ایسے ہیں کہ اپنی تقریب میں باڈی گارڈز اور ڈرائیوروں کو داخلے کی اجازت تک نہیں دی۔

جس پر شاہ ویر جعفری نے اپنی انسٹا گرام پوسٹ کے کمنٹ باکس میں جواب دیا کہ اُنہوں نے شادی ہال کرائے پر بُک کروایا تھا۔

انہوں نے کہا کہ اُن کا اس پیغام اور اُس پوسٹر سے کچھ لینا دینا نہیں تھا اور وہ اس پیغام کی سپورٹ بھی نہیں کرتے ہیں اُن کے خیال میں یہ برا عمل ہے جبکہ اُن کے خود کے گارڈز اور گھر میں کام کرنے والے اُن کی شادی میں مدعو تھے۔

شاہ ویر جعفری نے لکھا کہ اُنہوں نے یہ پوسٹر دیکھا  نہیں تھا، اگر وہ دیکھ لیتے تو یقیناً اسے ہٹا دیتے۔

واضح رہے کہ شاہ ویر جعفری نے گزشتہ سال دسمبر میں کلوتھنگ ڈیزائنر عائشہ بیگ سے منگنی کی تھی اور اب وہ ایک ساتھ رشتہ ازدواج میں منسلک ہو گئے ہیں۔