ڈرامہ انڈسٹری کی خوبرو اداکارہ غنیٰ علی نے اپنے شوہر کے پہلے سے شادی شدہ ہونے کے بعد بھی اُن سے شادی کرنے کی اصل وجہ بتا دی۔

غنیٰ علی نے گزشتہ دنوں اپنے انسٹا گرام اکاؤنٹ پر سوال جواب کا ایک سیشن رکھا جس میں اُن سے مداحوں کی جانب سے اس بار پوچھا گیا کہ غنیٰ علی نے ایک شادی شدہ مرد ہی سے شادی کیوں کی؟

غنیٰ علی نے جواب میں کہا کہ یہ اُن کی قسمت میں لکھا تھا اور اُنہیں اس فیصلے پر کوئی پچھتاوا نہیں ہے، اُن کے شوہر بہت اچھے انسان ہیں۔

واضح رہے کہ غنیٰ علی انٹرنیٹ صارفین کی جانب سے  شادی کے بعد سے شوہر سے متعلق تنقید کے نشانے پر ہیں۔