معروف پاکستانی اداکارہ ریشم نے اپنی شارٹ فلم کی پہلی جھلک سوشل میڈیا پر اپنے مداحوں کے ساتھ شیئر کردی۔

اداکارہ نے فوٹو اینڈ ویڈیو شیئرنگ ایپ انسٹاگرام پر اپنی شارٹ فلم دفع ہو جاؤ تم کا ٹریلر ریلیز کر کے اپنے مداحوں کو خوشخبری سنا دی ہے۔

ریشم نے اپنی فلم کا ٹریلر شیئر کرتے ہوئے لکھا کہ ان کی فلم دفع ہو جاؤ تم بہت جلد ریلیز ہوجائے گی۔

انہوں نے فلم میں اپنے کردار کی تعریف کرتے ہوئے لکھا کہ شارٹ فلم دفع ہوجاؤ تم کا یہ کردار ان کے دل کے بہت قریب ہے۔

ریشم نے فلم کے بارے میں بتایا کہ اس فلم کی سب سے خاص بات یہ ہے کہ فلم کی اسکرپٹ اُن کے دوست نے لکھی ہے جبکہ ہدایتکار بھی اُن کے دوست ہی ہیں۔