پاکستان کے ٹک ٹاک اسٹار اور اداکار ذوالقرنین سکندر نے اپنی اہلیہ و ٹک ٹاکر کنول آفتاب کے حجاب پر تنقید کرنے والے صارف کا منہ کھری کھری سنا دی۔

کنول آفتاب نے حال ہی میں سوشل میڈیا پر اپنی ایک تصویر شیئر کی جس میں وہ فارمولا کار میں بیٹھی ہوئی نظر آرہی ہیں۔

کنول آفتاب کی جانب سے شئیر کی گئی تصویر پر جہاں اُن کے مداحوں نے اُن کے لئے محبت بھرے تبصرے کیے تو وہیں ناقدین ٹک ٹاکر پر تنقید کیے بغیر نہ رہ سکے۔

ایک صارف نے تصویر پر کمنٹ کرتے ہوئے لکھا کہ کبھی حجاب پہنتی ہیں اور کبھی حجاب کے بغیر ہوتی ہیں،یہ بہت ہی عجیب ہے، آپ مستقل حجاب کریں ورنہ حجاب نہ کریں۔

صارف کی تنقید پر کنول آفتاب کے شوہر ذوالقرنین لکھا کہ اگر آپ تھوڑا پڑھ لکھ لیتے تو آپ کو شاید معلوم ہوتا کہ فارمولا کار میں بیٹھتے ہوئے ہیلمٹ پہنا جاتا ہے۔

اُنہوں نے لکھا کہ اگر ڈوپٹہ پہنیں گے تو انجن میں پھنسنے کا خطرہ ہوتا ہے جس کی وجہ سے حادثہ ہوسکتا ہے۔

واضح رہے کہ  رواں سال ہی کنول آفتاب اور ذوالقرنین سکندر نے نکاح کیا۔