بالی وڈ کی دنیا کو مذہب کی خاطر خیرباد کہنے والی زائرہ وسیم  آرٹ اینڈ کرافٹ کی دنیا سے منسوب ہوگئیں ہیں۔

زائرہ وسیم نے بالی وڈ میں اپنے کیریئر کو خیرباد کہنے کے بعد آرٹ اینڈ کرافٹ پر کام شروع کردیا تھا جس کی کچھ تصٓویر بھی انہوں نے شیئر کی ہیں۔

زائرہ وسیم نے ایک آرٹسٹ کے طور پر 2 کرداروں پر مبنی ایک کہانی بنائی ہے جبکہ وہ 2 کردار بلی اور چڑیا کے ہیں۔

علاوہ ازیں زائرہ نے اپنی پینٹنگ کے  کچھ بک مارکس بھی شیئر کئے تھے۔

ان سب چیزوں سے اندازہ لگایا جاسکتا ہے کہ زائرہ وسیم پینٹنگ کے ساتھ ساتھ آرٹ اینڈ کرافٹ میں کافی دلچسپی رکھتی ہیں اور وہ اسی پر آگے کام بھی کرنا چاہتی ہیں۔

خیال رہے کہ زائرہ وسیم نے 15 برس کی عمر میں فلم ’دنگل‘ سے اپنے کریئر کا آغاز کیا اور عمدہ اداکاری دکھانے پر انھیں بہترین معاون اداکارہ کے نیشنل فلم ایوارڈ سے نوازا گیا تھا۔