پاکستان شوبز انڈسٹری کی معروف اداکارہ عائشہ عمر  نے اپنی بولڈ تصاویر شیئر کیں جس پر انہیں سخت تنقید کا نشانہ بنایا جارہا ہے۔

اداکارہ کی سوشل میڈیا پر کچھ نئی تصاویر وائرل ہوئیں ہیں جن پر صارفین دل کھول کرتنقید کر رہے ہیں۔

حال ہی میں عائشہ عمر نے اپنے آفیشل انسٹاگرام اکاؤنٹ  پر دبئی ایکسپو 2020 ایونٹ کی  تصاویر شیئر کیں۔

شئیر کی گئی تصاویر میں عائشہ کو حسین ریہر کے شاندار سفید لباس میں ملبوس دیکھا گیا، مزید خوبصورت نظر آنے کے لئے انہوں نے لباس سے ملتے جلتےلوازمات بھی پہنے ہوئے تھے۔

عائشہ عمر کو نامناسب لباس پر آڑے ہاتھوں لیتے ہوئے خوب تنقید کا نشانہ بنایا جا رہا ہے ،صارفین نے کمنٹس سیکشن میں غصے کا اظہار کرتے اپنی بھڑاس نکالی جبکہ کچھ صارفین نے اداکارہ کی تعریف کے ساتھ ساتھ مشورے بھی دیے کہ آپ پاکستانی ہیں اور مسلمان ہیں ایسے لباس پہننے سے پرہیز کریں۔

واضح رہے کہ اداکارہ عائشہ عمر سوشل میڈیا پر متحرک رہتی ہیں اور اپنی مصروفیات کے بارے میں مداحوں کو آگاہ کرتی رہتی ہیں۔