پاکستانی کی نامور اداکارہ عائزہ خان نے اپنے زندگی کے خوبصورت لمحات میں لی جانے والی تصاویر کا مجموعہ شیئر کردیا ہے۔

اس تصویر کو شیئر کرتے ہوئے اداکارہ عائزہ خان اس مجموعے کو ’خوشیوں کی دیوار‘ قرار دیا ہے۔

اداکارہ کی جانب سے شیئر کروائی جانے والی تصویر میں دیکھا جاسکتا ہے کہ ایک دیوار پر بہت سارے فوٹو فریم موجود ہیں جن میں موجود تصاویر عائزہ خان کی زندگی کے یادگار ہیں۔

ان تصاویر میں عائزہ اور دانش تیمور کی خوبصورت تصاویر موجود ہیں جبکہ ان کے بچوں کی پیدائش کے بعد لی جانے والی پہلی تصویریں اس مجموعے کا حصہ ہیں۔

واضح رہے کہ اداکارہ عائزہ خان مختلف موقعوں پر اپنی فیملی کے ہمراہ تصاویر اپنے سوشل میڈیا اکاؤنٹ سے شیئر کرتی رہتی ہیں۔

خیال رہے کہ عائزہ خان کی اداکار دانش تیمور سے 2014 میں شادی ہوئی تھی۔ اداکارہ کے ہاں بیٹی کی پیدائش 2015 میں ہوئی تھی جبکہ ان کے ہاں 2017 میں بیٹا پیدا ہوا تھا۔